15.01.2026 Пасля сустрэчы Новага года надыходзіць самы вясёлы, таямнічы час, які з даўніх гадзін носіць назву Каляды.
У Калядныя вечары ўладкоўваліся святочныя гулянні: па дварах хадзілі натоўпы пераапранутых, спявалі велічальныя песні, у якіх славілі гаспадароў, жадалі ім добрага здароўя, багатага ўраджая. Усе з нецярпеннем чакалі прыходу калядоўшчыкаў з іх калядкамі. Людзі верылі, што да каго яны зойдуць – той двор у новым годзе ўдачлівы будзе, з дастаткам і прыбыткам.
Вось і ў нас, у дзіцячым садзе № 86, у рамках тэматычнага тыдня «Народныя святы і традыцыі» прайшло свята – «Беларускія Калядкі», мэтай якога было знаёмства дзяцей з традыцыямі і абрадамі свята. Дзеці і дарослыя спявалі калядныя песні, скакалі, чыталі прыказкі, заклічкі, услаўляючы Каляду, весяліліся і гулялі ў гульні. Свята «Беларускія Калядкі» не толькі прынесла радасць нашым дзецям і іх бацькам, але і дало магчымасць дакрануцца да традыцый і звычаяў беларускага народа.
Ва ўсіх удзельнікаў Калядак засталіся добрыя эмоцыі аб праведзеным свяце.
Церахіна Зінаіда Мікалаеўна,
музычны кіраўнік
