18.02.2026 21 лютага адзначаецца Міжнародны дзень роднай мовы. Беларуская мова – самая мілагучная сярод славянскіх моў.
Праца пдагагічнага калектыву дзяржаўнай установы адукацыі «Дзіцячы сад № 86 г. Магілёва» накіравана на выхаванне патрыятызму ў маленькіх грамадзян, фарміраванне павагі да роднай мовы, да сваёй краіны.
«Гучы, наша роднае слова!» – пад такім дэвізам прайшлі мерапрыемствы напярэдадні Міжнароднага дня роднай мовы. Было прыемна назіраць, як з самай раніцы чулася родная мова. Выхавальнікі дашкольнай адукацыі праводзілі з дзецьмі гутаркі аб значнасці роднай мовы для кожнага чалавека, дыдактычныя гульні «Размаўляем па-беларуску», «Влівыя словы».
З мэтай выхавання станоўчых адносін да роднай мовы, у старэйшай групе №1 прайшло сапраўднае свята, прысвечанае гэтаму дню. Дзеці гулялі ў перакладчыкаў, чыталі вершы напамяць, спявалі, плясалі і выконвалі невялікія тэатральныя пастаноўкі. Усе удзельнікі мерапрыемства захапіліся прыгагожсю, мілагучнасцю і сакавітасцю роднай мовы!
Кісялёва І.В.,
выхавальнік дашкольнай адукацыі
